Rider, tinodas ng bayaw

@Balitang Probinsiya | January 24, 2021

CAMARINES SUR—Isang rider ang namatay nang saksakin ng kanyang bayaw kamakalawa sa Bgy. Sooc, Lupi.

Kinilala ang biktima na nagtamo ng mga tama ng saksak sa katawan na si Virgilio Barremeda, samantalang ang suspek ay si Ricardo Borras, kapwa nakatira sa nabanggit na barangay.

Batay sa imbestigasyon, nagkaroon ng pagtatalo ang magbayaw na humantong para pagsasaksakin ng suspek ang biktima.

Kaagad dinala ng mga saksi sa ospital si Barremeda pero idineklara itong dead-on-arrival.

Naaresto naman ng mga nagrespondeng pulisya si Borras na nahaharap sa kasong murder.