Rider, tiklo sa shabu sa checkpoint
- BULGAR
- Aug 24, 2023
- 1 min read
@Balitang Probinsiya | August 24, 2023
BATAAN -- Isang rider ang dinakip ng mga awtoridad nang makumpiskahan ng shabu kamakalawa sa police checkpoint sa Bgy. Mulawin, Orani sa lalawigang ito.
Ang suspek ay kinilala ng pulisya na si Barry Medina, nasa hustong gulang at nakatira sa nabanggit na lalawigan.
Nabatid na napadaan sa police checkpoint ang motorsiklong minamaneho ni Medina at nang kapkapan ito ng mga awtoridad ay nakumpiskahan ang suspek ng 50 gramo ng hinihinalang shabu.
Kusang sumama naman sa mga awtoridad ang suspek nang dakpin siya ng mga ito.
Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.
Comments