Rider patay, pasahero sugatan sa aksidente

@Balitang Probinsiya | December 22, 2022

RIZAL—Isang rider ang namatay at isang pasahero ng jeep ang sugatan sa naganap na aksidente kamakalawa sa Bgy. Maybancal, Morong.

Kinilala ang nasawi na si Ken Panganiban, samantalang ang sugatan ay si Jamee Ledda, kapwa nasa hustong gulang at kapwa residente sa nasabing lalawigan.

Ayon sa ulat, mabilis umano ang takbo ng jeep na minamaneho ni Roggy Custodio, nasa hustong gulang, kaya nabangga nito ang motorsiklong kinalululanan ni Panganiban.

Sa lakas ng pagkakabangga ay nagtamo ng malaking pinsala sa ulo at katawan si Panganiban, gayundin ang pasahero ni Custodio sa jeep na si Ledda.

Dinala ng mga saksi ang dalawang biktima sa ospital, pero idineklarang dead-on-arrival si Panganiban, samantalang sinampahan na ng pulisya si Custodio ng kasong reckless imprudence resulting to homicide, physical injury and damage to property.