Rider patay, angkas sugatan sa semplang

@Balitang Probinsiya | November 5, 2022

CAVITE—Isang rider ang namatay at sugatan naman ang angkas nito nang aksidenteng sumemplang ang kinalululanan nilang motorsiklo kamakalawa sa Bgy. Tejero, General Trias.

Ang nasawi ay si Junry Escototo at ang sugatan naman ay ang angkas nito na si Jerico Rebola, kapwa nasa hustong gulang at parehong nakatira sa naturang bayan.

Batay sa imbestigasyon, nawalan umano ng kontrol si Escototo sa pagmamaneho kaya sumemplang ang sinasakyan nilang motorsiklo.

Ayon sa ulat, nagkaroon ng malaking sugat sa ulo at katawan ang mga biktima.

Kaagad dinala ng mga saksi ang mga biktima sa ospital, pero idineklara dead-on-arrival si Escototo.