Rider niratrat, todas

@Balitang Probinsiya | July 13, 2023

ILOILO -- Isang rider ang namatay nang pagbabarilin ng riding-in-tandem kamakalawa sa Bgy. North Fundidor, Molo District, Iloilo City sa lalawigang ito.

Ang biktimang nagtamo ng mga tama ng bala sa katawan ay nakilalang si Alejandro Panes, nasa hustong gulang at nakatira sa naturang lalawigan.

Ayon sa ulat, habang minamaneho ni Panes ang kanyang motorsiklo ay biglang sumulpot ang dalawang hindi kilalang salarin na sakay din sa motor at agad pinagbabaril ang biktima.

Mabilis na tumakas ang mga suspek nang matiyak na patay na ang biktima.

Iniimbestigahan pa ng pulisya ang motibo ng mga suspek sa pamamaslang kay Panes.