Rider, nilikida ng riding-in-tandem

@Balitang Probinsiya | November 17, 2023

CAPIZ -- Isang rider ang namatay nang barilin ng riding-in-tandem kamakalawa sa Brgy. Punta Tabuc, Roxas City sa lalawigang ito.

Kinilala ng pulisya ang biktimang nagtamo ng mga tama ng bala sa katawan na si Jeff Ardena, nasa hustong gulang at nakatira sa naturang lungsod.

Ayon sa ulat, lulan ng kanyang motorsiklo si Ardena nang dikitan ng mga suspek na nakasakay din sa isang motorsiklo at agad pinagbabaril ang biktima.

Matapos tiyaking patay na ang biktima ay mabilis na tumakas ang mga suspek.

Patuloy pa ang imbestigasyon ng pulisya sa naganap na krimen.