Rider, nilikida ng riding-in-tandem

@Balitang Probinsiya | May 7, 2023

CAMARINES SUR—Isang rider ang namatay nang barilin ng riding-in-tandem, kamakalawa sa Bgy. San Francisco, Baao sa lalawigang ito.

Ang biktimang nagtamo ng mga tama ng bala sa katawan ay nakilalang si Wilmor Nanale, nasa hustong gulang at nakatira sa naturang lalawigan.

Ayon sa ulat, habang minamaneho ni Nanale ang kanyang motorsiklo ay biglang sumulpot ang dalawang hindi kilalang salarin na nakasakay din sa isang motorsiklo at agad pinagbabaril ang biktima.

Mabilis na tumakas ang mga suspek nang matiyak na patay na ang biktima.

Iniimbestigahan pa ng pulisya ang motibo ng mga suspek sa pamamaslang kay Nanale.