Rider, nilikida ng riding-in-tandem

@Balitang Probinsiya | December 19, 2021

ILOCOS SUR—Patay ang rider nang barilin ng dalawang hindi kilalang armadong salarin kamakalawa sa Bgy. Resurrection, San Juan.

Kinilala ng pulisya ang biktimang nagtamo ng mga tama ng bala sa katawan na si Elmer Amin, 39-anyos at nakatira sa nabanggit na barangay.

Ayon sa ulat, lulan umano si Amin ng kanyang motorsiklo nang dikitan ng mga suspek na nakasakay din sa motorsiklo at agad pinagbabaril ang biktima.

Matapos tiyaking patay na ang biktima ay mabilis na tumakas ang mga suspek.

Patuloy pa ang imbestigasyon ng pulisya sa naganap na krimen.