Rider, nilikida ng 2 armado

@Balitang Probinsiya | November 22, 2021

CAGAYAN--Isang rider ang namatay nang barilin ng dalawang hindi kilalang armadong salarin kamakalawa sa Bgy. Bulagao, Tuao.

Kinilala ng pulisya ang biktimang nagtamo ng mga tama ng bala sa katawan na si Jeffrey Cuaresma, 44-anyos at nakatira sa nabanggit na barangay.

Ayon sa ulat, lulan umano si Cuaresma ng kanyang motorsiklo nang sumulpot ang mga suspek at agad pinagbabaril ang biktima.

Matapos tiyaking patay na ang biktima ay mabilis na tumakas ang mga suspek.

Patuloy pa ang imbestigasyon ng pulisya sa naganap na krimen.