Rider na lolo, patay sa bus

@Balitang Probinsiya | November 26, 2023

NEGROS OCCIDENTAL -- Isang rider na lolo ang namatay nang mabangga ng isang pampasaherong bus ang minamaneho nitong motorsiklo kamakalawa sa Brgy. Luna, Cadiz City sa lalawigang ito.

Ang biktima ay kinilala ng pulisya na si Carlos Bilbar, 75, at nakatira sa Brgy. Bonifacio sa nabanggit na lungsod.

Hindi na pinangalanan ng pulisya ang pangalan ng driver ng bus matapos mangako ang bus company na sasagutin ang gastos at danyos sa pagkamatay ng biktima.

Ayon sa ulat, nawalan umano ng kontrol ang driver sa pagmamaneho ng bus kaya nabangga nito ang motorsiklong kinalululanan ni Bilbar.

Nabatid na sa lakas ng impact ay nagtamo ng malaking pinsala sa ulo at katawan ang biktima na agad nitong ikinamatay.