Rider na drug dealer, arestado

@Balitang Probinsiya | ngayong Marso 18, 2024

ZAMBOANGA CITY -- Isang rider na drug dealer ang naaresto sa drug-bust operation ng pulisya kamakalawa sa Guadalupe Drive, Brgy. Tetuan sa lungsod na ito.

Nakilala ang suspek na si Ernest Yting, nasa hustong gulang, residente ng nabanggit na lungsod. 

Napag-alaman na lulan ng kanyang motorsiklo si Yting nang sitahin ito ng mga otoridad at nang tingnan ang dala niyang bagahe ay dito natuklasan na isang kilong pinatuyong dahon ng marijuana ang laman nito. 

Hindi naman nanlaban ang suspek nang dakpin siya ng mga operatiba. 

Nahaharap ngayon ang suspek sa kasong paglabag sa Comprehensive Dangerous Drugs Act of 2002.