Rider dedbol sa van

@Balitang Probinsiya | Enero 22, 2023

CAVITE -- Isang rider ang namatay nang aksidenteng mabangga ng isang van ang minamaneho niyang motorsiklo kamakalawa sa Bgy. Malagasan, Imus City sa lalawigang ito.

Ang biktima ay nakilalang si Andre Reyes, 35, nakatira sa nasabing lungsod.

Ayon sa ulat, mabilis umano ang takbo ng van na minamaneho ni Marco Soriano, nasa hustong gulang kaya aksidenteng nabangga nito ang motorsiklong kinalululanan ni Reyes.

Napag-alaman na sa lakas ng pagkakabangga ay nagtamo ng malaking pinsala sa ulo at katawan ang biktima na agad nitong ikinamatay.

Sinampahan na ng pulisya si Soriano ng kasong reckless imprudence resulting to homicide and damage to property.