Rider dedbol sa puno

@Balitang Probinsiya | March 11, 2023

RIZAL—Isang rider ang namatay nang aksidenteng bumangga ang minamaneho nitong motorsiklo sa isang puno sa Bgy. Sta. Cruz, Antipolo City sa lalawigang ito.

Ang biktima ay kinilala ng pulisya na si Jemar Cabigquiz, 23, nakatira sa naturang lalawigan.

Ayon sa ulat, nawalan umano ng kontrol si Cabigquiz sa pagmamaneho ng motorsiklo kaya bumangga ito sa puno.

Nabatid na sa lakas ng pagkakabangga ay nagtamo ng malaking pinsala sa ulo at katawan ang biktima.

Dinala ng mga saksi ang biktima sa ospital, pero idineklara itong dead-on-arrival.