Rider, dedbol sa poste
- BULGAR
- Jan 8, 2022
- 1 min read
@Balitang Probinsiya | January 08, 2022
CAPIZ–Patay ang rider nang aksidenteng bumangga ang minamaneho nitong motorsiklo kamakalawa sa poste ng kuryente sa Bgy. Bato, Panay.
Ang biktima ay kinilala ng pulisya na si Charles Besana, 23-anyos at nakatira sa nabanggit na barangay.
Ayon sa ulat, nawalan umano ng kontrol sa pagmamaneho si Besana kaya bumangga ang motorsiklong kinalululanan nito sa poste.
Nabatid na sa lakas ng pagkakabangga ay nagtamo ng malaking pinsala sa ulo at katawan ang biktima.
Dinala ng mga saksi ang biktima sa ospital, pero idineklara itong dead-on-arrival sa pagamutan.
Comments