Rider dedbol sa pick-up

@Balitang Probinsiya | November 19, 2022

AKLAN—Patay ang isang rider nang aksidenteng mabangga ng pick-up ang minamaneho niyang motorsiklo kamakalawa sa Bgy. Mambog, Banga.

Ang biktima ay kinilala ng pulisya na si Jonel dela Vega, 31-anyos, residente ng nasabing bayan.

Ayon sa ulat, mabilis ang takbo ng pick-up na minamaneho ni James Alfonso, kaya aksidenteng nabangga nito ang motorsiklong minamaneho ni Dela Vega.

Nabatid na sa lakas ng pagkakabangga ay nagtamo ng malaking pinsala sa ulo at katawan ang biktima.

Dinala ng mga saksi ang biktima sa ospital, pero idineklara itong dead-on-arrival, samantalang sinampahan na ng pulisya si Alfonso ng kasong reckless imprudence resulting to homicide and damage to property.