Rider, dedbol sa pick-up

@Balitang Probinsiya | December 28, 2020

CAPIZ—Isang rider ang namatay nang aksidenteng mabangga ng pick-up kamakalawa sa Bgy. Poblacion-Ilaya, Cuartero.

Ang biktima ay kinilala ng pulisya na si Alfonso Belonio, residente ng Bgy. Ongol, Dumarao sa nasabing lalawigan.

Ayon sa ulat, lulan ng kanyang motorsiklo si Belonio nang mabangga ito ng pick-up na minamaneho ng hindi pa nakikilalang driver.

Napag-alamang dahil sa lakas ng pagkakabangga ay tumilapon ang biktima na agad nitong ikinamatay.

Inaalam na ng mga awtoridad ang pagkakakilanlan ng driver ng pick-up para sampahan ng kasong reckless imprudence resulting to homicide and damage to property.