Rider at angkas, patay sa trak

@Balitang Probinsiya | October 09, 2023

SURIGAO DEL NORTE -- Isang rider at angkas nito ang kapwa namatay nang mabangga ng isang trak ang kinalululanan nilang motorsiklo kamakalawa sa national highway sa bayan ng Dapa sa lalawigang ito.

Ang mga biktima ay kinilala ng pulisya na sina Mark Tulisana at Nelly Rabago, kapwa nasa hustong gulang at nakatira sa naturang lalawigan.

Ayon sa ulat, nawalan umano ng kontrol si Ronald Uriarte sa pagmamaneho ng trak kaya bumangga ito sa motorsiklong kinalululanan ng dalawang biktima.

Nabatid na sa lakas ng impact ay nagtamo ng malaking pinsala sa ulo at katawan ang mga biktima na agad nilang ikinamatay.

Nakapiit na si Uriarte na nahaharap sa kasong reckless imprudence resulting to double homicide and damage to property.