Retiradong teacher, nilikida ng riding-in-tandem
- BULGAR
- Dec 18, 2020
- 1 min read
@Balitang Probinsiya | December 18, 2020
NORTH COTABATO—Isang 68-anyos na retiradong guro ang namatay nang pagbabarilin ng riding-in-tandem kamakalawa sa Bgy. Poblacion, Kidapawan City.
Ang biktimang nagtamo ng mga tama ng bala sa katawan ay nakilalang si Ofelia Castillano, residente sa nasabing barangay.
Ayon sa ulat, pababa umano si Castillano sa sinakyan nitong tricycle nang biglang sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.
Matapos ang pamamaril ay mabilis na tumakas ang mga suspek.
Inaalam na ng mga awtoridad ang motibo ng mga suspek sa pagpatay sa biktima.
Comments