Retiradong colonel, niratrat ng mga armado

@Balitang Probinsiya | Oct 29, 2021

AGUSAN DEL SUR—Sugatan ang retiradong colonel ng Philippine Army (PA) sa isinagawang pamamaril ng mga hindi kilalang armadong kalalakihan kamakalawa sa Bgy. Sta. Cruz, Bunawan.

Kinilala ang biktima na nagtamo ng mga tama ng bala sa katawan na si ret. Col. Samuel Afdal, nakatira sa nasabing lalawigan.

Ayon sa ulat, habang nagsasagawa ng imspeksiyon si Afdal sa pag-aari niyang mining area sa naturang barangay ay sumulpot ang mga suspek at agad pinagbabaril ang biktima.

Mabilis na tumakas ang mga suspek, samantalang agad dinala ng kanyang mga tauhan si Afdal sa ospital at ginagamot na ang mga tinamo niyang bala sa katawan.

Nagpalabas na ng manhunt operation ang pulisya para madakip ang mga suspek.