@Balitang Probinsiya | December 19, 2023
SORSOGON -- Isang rebel returnee ang namatay nang pagbabarilin ng mga hindi kilalang armadong lalaki kamakalawa sa Brgy. Manapao, Gubat sa lalawigang ito.
Kinilala ng pulisya ang biktimang nagtamo ng mga tama ng bala sa katawan na si Rommel Hapa, nasa hustong gulang at nakatira sa nabanggit na barangay.
Ayon sa ulat, pinuntahan ng mga suspek ang kinaroroonan ni Hapa at agad pinagbabaril ang biktima.
Matapos tiyaking patay na ang biktima ay saka mabilis na tumakas ang mga suspek.
Iniimbestigahan na ngayon ng pulisya ang motibo ng mga salarin sa pamamaslang sa biktima.
Comments