Rapist ng Paranaque City, tiklo sa Mindoro
Feb 10, 2022
1 min read
@Balitang Probinsiya | February 10, 2022
ORIENTAL MINDORO–Isang most wanted na rapist sa Parañaque City ang nadakip ng pulisya kamakalawa sa Bgy. Zone 3, Pinamalayan.
Kinilala ng pulisya ang suspek si Rommel Hatulan, 22-anyos at pansamantalang nakatira sa nabanggit na barangay.
Nabatid na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa Paranaque City.
Napag-alamang may nag-tip sa pulisya sa kinaroroonan ni Hatulan kaya mabilis na rumesponde ang mga operatiba at dito nadakip ang suspek.
Nakapiit na ang suspek sa detention cell ng himpilan ng pulisya.
Comments