PWD, todas sa sunog

@Balitang Probinsiya | August 24, 2023

ILOILO -- Isang 50-anyos na persons with disability (PWD) ang namatay nang ma-trap sa nasunog niyang bahay kamakalawa sa Bgy. Lumangan, Miagao sa lalawigang ito.

Kinilala ang biktima na si Willy Nadanga, residente ng nabanggit na barangay.

Ayon sa ulat, nakita umano ng mga residente na biglang sumiklab ang sunog sa bahay ni Nadanga at na-trap ng apoy ang biktima.

Nabatid na sa pagresponde ng mga bumbero at nang maapula ang apoy ay dito na natagpuan ang sunog na bangkay ni Nadanga.

Napag-alaman na bulag ang biktima kaya hindi agad ito nakalabas sa nasunog niyang bahay, samantalang iniimbestigahan na ng mga awtoridad ang sanhi ng sunog sa tahanan ng biktima.