Pusher timbog sa buy-bust

@Balitang Probinsiya | Pebrero 19, 2023

CAGAYAN—Isang drug pusher ang naaresto sa isinagawang buy-bust operation ng mga awtoridad kamakalawa sa Bgy. Maura, Aparri sa lalawigang ito.

Ang suspek ay nakilalang si Bernardo Alicias, 37, nakatira sa nasabing barangay.

Ayon sa ulat, nagpanggap na buyer ng shabu ang mga operatiba, at nang bentahan sila ng droga ni Alcias ay dito na agad dinakip ng mga awtoridad ang suspek.

Napag-alaman na nakakumpiska ang mga awtoridad ng isang gramo ng shabu at markadong pera sa pag-iingat ng suspek.

Nahaharap ngayon ang suspek sa kasong paglabag sa Comprehensive Dangerous Drugs Act of 2002.