Pusher, 5 adik huli sa drug den

@Balitang Probinsiya | November 16, 2020

DAVAO DEL NORTE—Isang drug pusher at limang drug addicts ang nadakip sa isinagawang pagsalakay ng mga awtoridad sa drug den kamakalawa sa Bgy. Bincungan, Tagum City.

Ang naarestong drug pusher ay si Freddie Cordero, samantalang hindi na pinangalanan ang limang adik na nadakip din sa nasabing barangay.

Ayon sa ulat, nalaman ng pulisya na ginagawang drug den ang bahay ni Cordero kaya agad itong sinalakay at dinakip ang mga suspek.

Nabatid na nakakumpiska ang pulisya ng 18 sachets ng shabu at mga drug paraphernalia sa pag-iingat ng mga suspek.

Nakapiit na ang mga suspek na pawang nahaharap sa kasong paglabag sa Comprehensive Dangerous Drugs Act of 2002.