Pumatay dahil sa pusoy-dos, natimbog

@Balitang Probinsiya | May 11, 2023

ILOILO—Isang lalaki na pumatay sa kanyang kasugal sa pusoy-dos ang ang nadakip ng mga awtoridad, kamakalawa sa Bgy. Cag-an, Anilao sa lalawigang ito.

Ang suspek ay kinilalang si Francisco Boteja, 37, at pansamantalang nakatira sa nasabing barangay.

Ayon sa ulat, inaresto ng pulisya ang suspek kaugnay sa kinasasangkutan nitong kasong pagpatay sa isang Roy Apura na kasugal nito sa pusoy-dos noong Enero 22, 2023.

Nabatid na matagal nang pinaghahanap ng pulisya ang suspek at kamakalawa lang ito natiyempuhang dakpin.

Kusang sumama ang suspek sa pulisya nang dakpin siya sa nasabing barangay.