@Balitang Probinsiya | March 1, 2021
SOUTH COTABATO—Isang most wanted ang napatay nang manlaban at makipagbarilan sa pulisya kamakalawa sa Bgy. Glamang, Polomolok.
Kinilala ng pulisya ang suspek na nagtamo ng mga tama ng bala sa katawan na si Anthony Marquez, residente sa naturang barangay.
Ayon sa ulat, darakpin sana ng mga awtoridad si Marquez sa bisa ng warrant of arrest na inisyu ng korte kaugnay sa kinasasangkutan nitong kasong paglabag sa Comprehensive Dangerous Drugs Act of 2002, pero biglang pinagbabaril ng suspek ang mga awtoridad.
Kaagad gumanti ng putok ang mga operatiba dahilan kaya napatay si Marquez.
Nabatid na nakarekober ang pulisya ng baril at mga bala sa pinangyarihan ng insidente.