Pumalag na most wanted, todas

@Balitang Probinsiya | March 6, 2021

NORTH COTABATO—Isang most wanted criminal ang napatay nang manlaban at makipagbarilan sa kamakalawa sa kanyang hideout sa Bgy. Banawag, Kabacan.

Ang suspek ay kinilala ng pulisya na si Rahib Aplal, pansamantalang nakatira sa naturang barangay.

Nabatid na aarestuhin sana ng pulisya si Aplal sa bisa ng warrant of arrest na inisyu ng korte kaugnay sa kaso nitong murder, pero nanlaban at pinagbabaril ng suspek ang mga operatiba.

Dahil dito, kaagad gumanti ng putok ang mga awtordad dahilan kaya napatay ang suspek.

Nakarekober ang mga awtoridad ng baril at mga bala sa pinangyarihan ng insidente.