Pumalag na karnaper, todas sa shootout

@Balitang Probinsiya | November 22, 2020

DAVAO CITY—Isang hindi kilalang karnaper ang napatay nang manlaban at makipagbarilan sa pulisya kamakalawa sa Bgy. Catalunan Pequeno.

Kinilala pa ng pulisya ang napatay na suspek na nagtamo ng mga tama ng bala sa iba’t ibang bahagi ng katawan.

Ayon sa ulat, isang residente ang nag-report sa mga awtoridad na kinarnap ng suspek ang kanyang motorsiklo at dahil dito ay tinugis ng pulisya ang karnaper.

Nang maabutan ang karnaper ay imbes na sumuko ay pinagbabaril nito ang mga awtoridad kaya gumanti ng putok ang mga operatiba dahilan kaya napatay ang suspek.

Nakarekober ang pulisya ng baril at mga bala sa pinangyarihan ng insidente.