Plantasyon ng marijuana, sinira at sinunog
- BULGAR
- Sep 3, 2023
- 1 min read
@Balitang Probinsiya | September 3, 2023
KALINGA -- Isang plantasyon ng marijuana ang sinalakay, sinira at sinunog ng mga awtoridad kamakalawa sa bayan ng Tinglayan sa lalawigang ito.
Ang sinalakay na plantasyon ng marijuana ay nasa bulubunduking lugar ng Bgy. Ngibat sa nabanggit na bayan.
Ayon sa ulat, may nagbigay impormasyon sa mga awtoridad na may plantasyon ng marijuana sa nasabing lugar kaya agad itong sinalakay, sinira at sinunog ng mga operatiba.
Nabatid na nakatakas ang mga caretaker ng pananim na marijuana.
Patuloy pa ang imbestigasyon ng mga awtoridad para madakip ang mga responseble sa pagtatanim ng marijuana sa naturang lugar.
Comments