Pedicab driver, nilikida
- BULGAR
- Aug 31, 2023
- 1 min read
@Balitang Probinsiya | August 31, 2023
NEGROS OCCIDENTAL -- Isang pedicab driver ang namatay nang barilin ng dalawang hindi kilalang armadong lalaki kamakalawa sa Bgy. 5, San Carlos City sa lalawigang ito.
Ang biktimang nagtamo ng mga tama ng bala sa katawan ay nakilalang si Johnryl Calunsag, nasa hustong gulang at residente sa nabanggit na lungsod.
Ayon sa ulat, habang nakaupo si Calunsag sa kanyang pedicab ay biglang sumulpot ang mga suspek at agad pinagbabaril ang biktima.
Mabilis na tumakas ang mga suspek nang matiyak na patay na si Calunsag.
Iniimbestigahan pa ng pulisya ang motibo ng mga suspek sa pamamaslang sa biktima
Comments