Paslit patay, 8 pa sugatan sa trak

@Balitang Probinsiya | November 01, 2020

Quezon—Isang 7-taong gulang na batang lalaki ang namatay at walo pa ang sugatan nang aksidenteng mabangga ng trak ang dalawang bahay kamakalawa sa Bgy. Inaclagan, Gumaca.

Kinilala ang nasawi na si Luiz Ariola, samantalang hindi na pinangalanan ang walo pang biktima na pawang bata na ginagamot na sa ospital.

Ayon sa ulat, nawalan umano ng preno ang trak na minamaneho ni Edmar Nocos kaya nabangga nito ang dalawang bahay na kinaroroonan ng mga biktima.

Dinala pa ng mga residente ang mga biktima sa ospital, pero idineklarang dead-on-arrival si Ariola.

Nakapiit na si Nocos na nahaharap sa kasong reckless imprudence resulting to homicide, multiple physical injury at damage to property.