Paslit na-hit-and-run ng 3 sasakyan

@Balitang Probinsiya | October 18, 2021

BACOLOD CITY--Isang 9-taong gulang na batang lalaki ang namatay nang ma-hit-and-run ng tatlong sasakyan kamakalawa sa Bgy. Singcang-Airport.

Kinilala ng pulisya ang biktima na si Kian Aguda, nakatira sa Bgy. 35 sa nasabing lungsod.

Ayon sa ulat, tumatawid umano sa kalsada si Aguda nang mabangga ito ng rumaragasang van, at nang tumilapon ang biktima ay nasagasaan pa ito ng dalawang magkasunod na sasakyan.

Nabatid na hindi huminto ang tatlong sasakyan na nakabangga at nakasagasa sa biktima.

Nabatid na namatay sa mismong pinangyarihan ng aksidente ang biktima.

Pinaghahanap na ng pulisya ang mga driver ng tatlong sasakyan na nakabangga at nakasagasa sa biktima.