Parking boy, nilikida ng armado

@Balitang Probinsiya | November 2, 2021

ALBAY—Isang parking boy ang namatay nang barilin ng hindi kilalang armadong lalaki kamakalawa sa Bgy. Kimantong, Daraga.

Kinilala ang biktima na nagtamo ng isang tama ng bala sa ulo na si Sherwin Marantal, 21-anyos at nakatira sa Bgy. Kidaco sa nabanggit na bayan.

Ayon sa ulat, habang naglalakad pauwi si Marantal ay biglang sumulpot ang suspek at binaril sa ulo ang biktima.

Mabilis na tumakas ang mga suspek matapos ang pamamaril.

Nagpalabas na ng manhunt operation ang pulisya para madakip ang suspek.