Parak, tinodas ng riding-in-tandem

@Balitang Probinsiya | December 04, 2021

MAGUINDANAO—Patay ang isang pulis nang barilin ng riding-in-tandem kamakalawa sa Bgy. Kauran, Amnpatuan.

Kinilala ang biktima na nagtamo ng mga tama ng bala sa katawan na si P/Cpl. Henry Olinbdo, nakatalaga sa Lumbatan Police Station sa nasabing lalawigan.

Ayon sa ulat, habang minamaneho ni Olindo ang kanyang motorsiklo ay dinikitan ito ng dalawang hindi kilalang lalaki na lulan din ng motorsiklo at agad pinagbabaril ang biktima.

Matapos tiyaking patay na ang biktima ay mabilis na tumakas ang mga suspek.

Iniimbestigahan na ng pulisya ang motibo ng mga suspek sa pamamaslang sa biktima.