Parak, patay sa aksidente

@Balitang Probinsiya | November 20, 2021

AKLAN--Patay ang isang pulis nang aksidenteng sumemplang ang minamaneho nitong motorsiklo kamakalawa sa Bgy. Bacan, Banga.

Kinilala ang biktima na si Pat. Gerald Cesar, 26-anyos, nakatalaga sa Nabas Police Station sa nasabing lalawigan.

Batay sa imbestigasyon, hindi umano napuna ni Cesar ang ginagawang kalsada sa lugar kaya nang mapadaan dito ang minamaneho niyang motorsiklo ay sumemplang ang biktima.

Nabatid na nagkaroon ng malaking pinsala sa ulo at iba't ibang parte ng katawan ang biktima.

Kaagad dinala ng mga saksi ang mga biktima sa ospital, pero idineklara itong dead-on-arrival.