Parak na rider todas sa SUV

@Balitang Probinsiya | December 20, 2022

ILOCOS SUR – Isang pulis na rider ang namatay nang aksidenteng mabangga ng isang SUV (Sports Utility Vehicle) ang minamaneho niyang motorsiklo kamakalawa sa Bgy.

Cabalanggan, Bantay sa lalawigang ito.

Ang biktima ay nakilalang si Pat. Shandrex Lopez, nakatalaga sa Ilocos Sur Provincial Police Office.

Ayon sa ulat, mabilis umano ang takbo ng SUV na minamaneho ni Bryan Camit, nasa hustong gulang kaya aksidenteng nabangga nito ang motorsiklong kinalululanan ni Lopez.

Napag-alaman na sa lakas ng pagkakabangga ay nagtamo ng malaking pinsala sa ulo at katawan ang biktima na agad nitong ikinamatay.

Sinampahan na ng pulisya si Camit ng kasong reckless imprudence resulting to homicide and damage to property.