Pandesal vendor patay sa puno ng niyog

@Balitang Probinsiya | July 28, 2023

ISABELA — Isang pandesal vendor ang namatay nang mabagsakan ng puno ng niyog kamakalawa sa Bgy. Villa Carmen, Ramon sa lalawigang ito.

Ang biktima ay nakilalang si Ofelia Daculan, 52, residente ng Bgy, Parang-ayan sa nabanggit na bayan.

Ayon sa ulat, habang lulan ng kanyang bisikleta at naglalako ng paninda niyang pandesal si Daculan ay biglang bumagsak ang puno ng niyog at nadaganan ang biktima.

Nabatid na nagtamo si Daculan ng sugat sa ulo at katawan.

Agad dinala ng mga residente si Daculan sa ospital, pero idineklara itong dead-on-arrival.