Search
  • BULGAR

Paano mapapansin kung na-scam o nauuto kana

ni Nympha Miano-Ang - @Life and Style | September 19, 2020




Kailangang sa una pa lang ay maunawaan mo na kaagad o mabasa ang sariling motibo ng ibang tao at isa itong makatutulong na kakayahan. Ang motibo kung minsan ng isang tao ay ayon na rin sa kanyang mga kilos kung nais niyang makipagkaibigan hanggang lolokohin ka niya at maging makasarili.


Matutunan mo lang kung paano iispatan ang sitwasyon ay para maiwasan ang panganib na mauuto ng isang taong may motibo, matutunan kung paano proteksiyunan ang sarili.


1. HUWAG MO MUNANG HULAAN sa una kung anuman ang motibo ng naturang tao habang nakikipagkaibigan sa’yo, lalo na kung gustong makipagkaibigan o manliligaw sa’yo.


2. OBSERBAHAN ANG MGA BAGONG KAIBIGAN O KASAMA SA TRABAHO lalo na kapag isa sa kanila ay nabigyan ng isang malaking promosyon sa trabaho. Kung ang promotion na iyan ay naging boss siya o supervisor, mag-ingat sa mga taong gustong sumipsip sa’yo dahil ikaw ay bagong boss. Huwag din namang isipin na kaya nakikipagkaibigan sila ay para sumipsip sa’yo, at huwag din namang maapektuhan ang iyong posisyon dahil sa pakikipagkaibigan sa kanila.


3. MAG-INGAT SA MINAMANIPULANG SALES TALK. Ang isang sales person ay hindi talagang may malasakit sa iyong kapakanan. Kung talagang ikaw ay pinipilt na bilhin ang isang bagay, lalo na ng isang napakamahal na bagay. At hindi ka na nila bibigyan ng tsansa na makapamili pa ng ibang produkto, ang totoo hindi ka talaga nila inaalok ng pinakamahusay na produkto sa lugar.


4. SALIKSIKIN MUNA ANG PRODUKTO SA NET. Tsekin muna ang ibang kalaban na produkto at rebisahin ang bisa nito bago bilhin para ‘di masayang ang iyong pera.


5. HUWAG MATAKOT NA HUMINGI NG IBA PANG OPINYON. Para na rin naman sa ibayong pag-iingat. Upang malaman mo nang eksakto ang husay nito. Magtanong nang magtanong, hanggang sa makatiyak ka na maintindihan mo ng ganap ang sitwasyon.


6. BASAHING MABUTI ANG ANUMANG BROCHURE OFFERS. Kaliwa’t kanan ang offer ng mga bangko ngayon para lang makapagbigay ng loans at credit card, pero madalas ang kanilang motibo ay nakasentro sa mas mataas na interest rates o mga hindi rasonableng mga bayarin at repayment schedules.


7.HUWAG BASTA PAUUTO SA HITSURA kahit na kaibigan pa siya o mahal sa buhay.

8.MAGLAAN NG ORAS NA MAUNAWAAN AT KILALANIN ANG MGA TAONG MALAPIT SA IYO, kaya kung may sasabihin man sila o gagawin na nakasakit, mapag-aaralan mo ito.

9.HUWAG BASTA MANINIWALA SA SALES TALK o mga nangungumbinsi na kasamahan matuto kang bantayan ang sarili sa isang sitwasyon na maaaring bagsakan mo ay isang kapahamakan.


10. Ang relasyon ay “give and take”. Huwag mong hayaan na dumating na ikaw ang talo at kung ikaw lagi ang nagbibigay at may isang tao na nakikinabang lamang. Maliwanag na ang kanilang motibo ay hindi pabor sa’yo.


11. Palagiang tanungin ang sarili kung ano ang pinakalohikal na sitwasyon sa iyo. Ito kasi ang makatutulong para madiskubre mo ang nasa likod ng kanyang aksiyon at salita.

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2020 bulgaronline

Sison's Publishing House, Inc.