P27 M halaga ng shabu, nasabat ng QCPD at PDEA

ni Ronalyn Seminiano Reonico | July 4, 2020

Nakumpiska ang P27 M halaga ng shabu sa joint buy-bust operation ng Quezon City Police District (QCPD) La Loma Police Station (PS 1) at Philippine Drug Enforcement Agency (PDEA) RO-NCR sa Brgy. Sto. Domingo, Quezon City.

Kinilala ni QCPD Director PBGEN Ronnie S Montejo ang apat na suspect na sina Jinky Pascio Arbolado, Jhon Christopher Guzman, Cristina Burill, at Siloren Tabiano.

Ayon sa ulat, alas-8 PM noong July 3 isinagawa ang buy-bust operation sa tulong ni PS 1 under PLTCOL Florian Reynado sa Biak na Bato Corner Cuenco St. Brgy. Sto. Domingo.

Bukod sa buy-bust money, nakumpiska rin sa mga suspek ang 4,000 grams ng shabu na nagkakahalagang P27,200,000 at 5 cellular phones.