Opisyal ng npa nasakote

@Balitang Probinsiya | March 27, 2023

SURIGAO DEL SUR—Isang opisyal ng New People's Army (NPA) ang naaresto ng mga awtoridad kamakalawa sa kanyang hideout sa Bgy. Payasan, Lianga sa lalawigang ito.

Kinilala ng pulisya ang suspek na si Bernelito Credo, nasa hustong gulang, platoon leader ng isang grupo ng mga komunistang nag-o-operate sa lalawigan.

Ayon sa ulat, may nagbigay ng impormasyon sa mga awtoridad sa kinaroroonan ni Credo kaya agad rumesponde ang tropa ng pamahalaan na naging dahilan kaya naaresto ang suspek.

Hindi naman nanlaban ang suspek nang dakpin siya ng mga awtoridad sa naturang lugar.

Isinasailalim pa ngayon si Credo sa taktikal na interogasyon ng mga awtoridad.