NPA, sumurender

@Balitang Probinsiya | June 23, 2023

BATAAN -- Isang miyembro ng komunistang New People’s Army (NPA) ang sumuko sa pamahalaan kamakalawa sa bayan ng Hermosa sa lalawigang ito.

Para sa kanyang seguridad ay hindi na pinangalanan ng mga awtoridad ang sumurender na komunista na nag-o-operate sa lalawigan.

Nabatid na isinuko rin ng NPA ang dala niyang armas, bala at subersibong dokumento sa mga awtoridad.

Sinabi ng sumukong komunista na nais na niyang magbagong-buhay kaya nagpasya siyang magbalik-loob sa pamahalaan.

Isinasailalim na sa taktikal na interogasyon ang NPA upang mabatid kung bukal sa kanyang kalooban ang pagsuko sa gobyerno.