NPA, sumuko sa capiz

@Balitang Probinsiya | July 8, 2023

CAPIZ -- Isang miyembro ng komunistang New People’s Army (NPA) na nag-o-operate sa Zambales ang sumuko sa pamahalaan kamakalawa sa bayan ng Pontevedra sa lalawigang ito.

Para sa kanyang seguridad ay hindi na pinangalanan ang sumukong komunista.

Nabatid na isinurender din ng NPA member ang dala niyang armas, bala at subersibong dokumento sa mga awtoridad.

Sinabi ng sumukong komunista na nais na niyang magbagong-buhay kaya nagpasya siyang umalis sa Zambales at umuwi sa Capiz at dito magbalik-loob sa pamahalaan.

Isinasailalim na sa taktikal na interogasyon ang nasabing NPA upang mabatid kung bukal sa kanyang kalooban ang pagsuko.