NPA official, todas sa engkuwentro

@Balitang Probinsiya | November 17, 2020

ZAMBOANGA DEL NORTE—Isang opisyal ng New People’s Army (NPA) ang napatay sa naganap na engkuwentro sa pagitan ng tropa ng pamahalaan at ng mga terorista kamakalawa sa Bgy. ZNAC, Tampilisan.

Kinilala ang suspek na nagtamo ng mga tama ng bala sa katawan na si Leonardo Nabong, alyas Ka Otik, deputy secretary ng NPA nakabase sa nasabing lalawigan.

Nabatid na nagpapatrulya ang mga sundalo ng 44th Infantry Battalion ng Philippine Army (PA) nang tambangan sila ng mga terorista at dahil dito gumanti ng putok ang mga awtoridad kaya napatay si Nabong.

Nang makitang napatay si Nabong ay mabilis na tumakas ang mga tauhan nitong terorista.

Patuloy pang tinutugis ng tropa ng pamahalaan ang mga tumakas na NPA.