NPA, nakatakas sa raid

@Balitang Probinsiya | April 6, 2023

ILOILO—Isang miyembro ng New People's Army (NPA) ang nakatakas sa isinagawang raid o pagsalakay ng mga awtoridad kamakalawa sa kanyang bahay sa Bgy. Manaolan, Badiangan sa lalawigang ito.

Kinilala ang suspek na si Reenor Lozanes, nasa hustong gulang at residente ng nabanggit na barangay.

Ayon sa ulat, may natanggap na impormasyon ang mga awtoridad na miyembro ng NPA si Lozanes at may mga baril at bala ito sa kanyang tahanan.

Sa bisa ng search warrant ay sinalakay ng mga operatiba ang bahay ni Lozanes at dito

nakumpiska ang isang shotgun, isang .357 magnum at mga bala, pero nakatakas ang suspek.

Sa kasalukuyan ay nagsasagawa na ng manhunt operation ang mga awtoridad para madakip si Lozanes.