NPA na lolo, sumurender

@Balitang Probinsiya | May 11, 2023

NUEVA ECIJA—Isang 62-anyos na lolo na miyembro ng komunistang New People's Army (NPA) ang sumuko sa pamahalaan kamakalawa sa bayan ng General Natividad sa lalawigang ito.

Para sa kanyang seguridad, hindi na pinangalanan ang sumukong lolong komunista.

Ayon sa ulat, na isinuko rin ng lolong NPA ang dala niyang armas, mga bala at mga subersibong dokumento sa mga awtoridad.

Sinabi ng sumukong lolong komunista na nagsagawa na umano siya sa matagal na panahong pakikipaglaban sa gobyerno at nais na umano niyang magbagong-buhay kaya nagbalik-loob siya sa pamahalaan.

Isinasailalim na ngayon sa taktikal na interogasyon ang sumukong lolong komunista.