Notoryus na wanted, huli

@Balitang Probinsiya | July 24, 2023

MARAWI CITY — Isang notoryus na wanted criminal ang nadakip ng mga tauhan ng pulisya kamakalawa sa kanyang hideout sa Bgy. Bangco sa lungsod na ito.

Ang suspek ay kinilala na si Karis Tomao, nasa hustong gulang at pansamantalang nakatira sa naturang barangay.

Ayon sa ulat, dinakip ng mga tauhan ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong mga kasong murder, frustrated murder at attempted murder sa Lanao del Sur.

Napag-alaman na may nagbigay impormasyon sa pulisya sa pinagtataguan ni Tomao kaya agad itong sinalakay ng mga awtoridad at dinakip dito ang suspek.

Hindi naman nanlaban ang suspek nang dakpin siya ng mga awtoridad at sa ngayon ay nakapiit na siya sa detention cell ng himpilan ng pulisya.