Notoryus na tulak, timbog

@Balitang Probinsiya | April 16, 2023

CAPIZ—Isang notoryus na drug pusher ang nadakip ng mga awtoridad, kamakalawa sa Bgy. Barra, Roxas City sa lalawigang ito.

Kinilala ng pulisya ang suspek na si Peter Vergil, nasa hustong gulang at nakatira sa nasabing barangay.

Nabatid na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong paglabag sa Comprehensive Dangerous Drugs Act of 2002.

Ayon sa ulat, may tinanggap na impormasyon ang mga awtoridad na umuwi sa kanilang bahay si Vergil kaya agad rumesponde ang mga operatiba at dito dinakip ang suspek.

Kusa namang sumama sa pulisya ang suspek.