Notoryus na tulak, patay sa shootout

@Balitang Probinsiya | November 14, 2023

QUEZON -- Isang notoryus na drug pusher ang napatay sa drug-bust operation ng mga awtoridad kamakalawa sa Brgy. Ibabang Iyam, Lucena City sa lalawigang ito.

Ang napatay na suspek ay kinilalang si Armando Armiendo, nasa hustong gulang at nakatira sa nabanggit na lungsod.

Napag-alaman na dadakpin sana ng mga awtoridad sa drug-bust operation ang suspek, pero biglang nanlaban at pinagbabaril nito ang mga awtoridad.

Dahil dito, gumanti ng putok ang mga awtoridad na naging dahilan kaya napatay ang suspek.

Nakakumpiska ang mga awtoridad ng ilang gramo ng hinihinalang shabu at baril sa pinangyarihan ng krimen.