Notoryus na rapist nasakote
BULGAR
Nov 17, 2022
1 min read
@Balitang Probinsiya | November 17, 2022
SORSOGON—Isang wanted na notoryus na rapist ang nadakip ng pulisya kamakalawa sa kanyang hideout sa Bgy. Market Site, Donsol.
Nakilala ang suspek na si Antonio Orgela, 32-anyos, laborer at pansamantalang nakatira sa nasabing barangay.
Nabatid na dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong 2-counts ng kasong rape sa lalawigan.
Napag-alamang may nag-tip sa pulisya sa pinagtataguan ng suspek, kaya agad itong sinalakay ng mga awtoridad at dinakip ang rapist.
Nakapiit na ang suspek sa detention cell ng himpilan ng pulisya.
Comments