Notoryus na pusher natimbog

@Balitang Probinsiya | March 13, 2023

PALAWAN—Isang notoryus na drug pusher ang naaresto sa drug-bust operation ng mga awtoridad kamakalawa sa Bgy. Bancalaan, Balabac sa lalawigang ito.

Kinilala ang suspek na si Jul Jabbal, nasa hustong gulang at nakatira sa nabanggit na barangay.

Ayon sa ulat, sa pamamagitan ng search warrant ay sinalakay ng mga awtoridad ang bahay ni Jabbal at dito nakumpiska ang mahigit 20 gramo ng shabu at mga drug paraphernalia.

Hindi naman nanlaban ang suspek nang dakpin siya ng mga operatiba sa loob ng kanyang bahay.

Nakapiit na si Jabbal at sa ngayon ay nahaharap siya sa kasong paglabag sa Comprehensive Dangerous Drugs Act of 2002.